21 дек 11:23
Янгиликлар

Бокс/ММА

Леннокс Льюис: "Жейк Пол энди яхшироқ ҳам, кучлироқ ҳам бўлмайди"

Профессионал бокснинг супероғир вазн тоифасида собиқ жаҳон чемпиони Леннокс Льюис Энтони Жошуа - Жейк Пол жангига изоҳ берди.

"Энтони Жошуа қилиши керак бўлган ишни қилди. Унинг олдида шунчаки рингда югуриб юрадиган ва кўп зарба бермайдиган йигит бор эди. Бу фақатгина Жошуа уни қачон қўлга киритишига боғлиқ эди.

Менимча, Пол максимумини кўрсатди. У шундай ўйин кўрсатяпти, бундан кейин яхши бўлмайди. Жейк собиқ жаҳон чемпионига қарши рингга кўтарилди. Шундан келиб чиқиб айтиш мумкинки, ундан бошқа натижа кутиш ҳам аҳмоқлик бўларди", - дея Льюиснинг сўзларини келтиради Boxing News портали.

Эслатиб ўтамиз, Энтони Жошуа кеча Майамида Жейк Полни 6-раундда нокаутга учратганди. Бутун жанг давомида блогер 16 тагина аниқ зарба йўллай олди, холос. Жангдан сўнг Жейк жағ суягининг қўш синиши билан касалхонага ётқизилди.