09 фев 08:06
Янгиликлар

Енгил атлетика

Лейтенант Дусанова Ўзбекистон ҳисобига яна иккита медални қўшиб қўйди

Ўзбекистон Мудофаа вазирлиги спорт клуби аъзоси лейтенант Надия Дусанова ўз мухлисларини иккита – олтин ва бронза медаллари билан хушнуд этди.

Чехияда ўтказилган халқаро турнирда жорий йил Ўзбекистондан енгил атлетика тури бўйича Светлана Радзивил ва Надия Дусанова юқори натижаларни кўрсатиб, юртимизга медаллар шодасини тақдим этди. Мазкур халқаро турнирда дунёнинг 10 та мамлакатидан келган 13 нафар спортчи ўзаро беллашди.

Светлана Радзивил баландликка сакраш бўйича 183 сантиметр кўрсаткичга эришиб, мексикалик Хумена Эсқуивел ҳамда Ирландиядан келган Пиппа Роган билан бир қаторда учинчи ўринни эгаллади. Лейтенант Надия Дусанова 192 сантиметр натижа билан турнирнинг энг юқори поғонасидан жой эгаллади.

Аввалроқ, Надия Дусанова 190 сантиметр баландликка сакраб ушбу турнирда иккинчи – бронза медалига эга чиқди.