16 июн 09:55
Янгиликлар

Бокс/ММА

Лиана Жожуанинг рақибаси маълум, у "Жангчилар ороли"да октагонга чиқади + ПОСТЕР

"Спортчилар ижтимоий тармоқда" саҳифамиз қироличаси Лиана Жожуанинг навбатдаги жанги қачон, қаерда ва кимга қарши ўтказилиши маълум бўлди.

Жожуа 15 июль куни Абу-Дабидаги "Жангчилар ороли"да октагонга чиқади. Унинг рақибаси руминиялик Диана Белбита бўлади.

Маълумот учун, 25 ёшли Жожуа Грузияда дунёга келган. Ҳозирда Россия шарафини ҳимоя қилади. Шу кунгача 61 кг вазн тоифасида ўз жангларини ўтказиб келган Лиана бу сафар 57 кг вазнда октагона кўтарилади.

Жожуа ММА оламида жами 10 та жанг ўтказган бўлиб, уларнинг 7 тасида ғалаба қозонган. Ҳисобида 3 та мағлубият бор. Унинг рақибаси бу борада тажрибали жангчи ҳисобланади. Белбита 22 та жангининг 17 тасида зафар қучиб, 5 маротаба мағлубият аламини тотиб кўрган. 15 июль кунги жанг уларнинг ҳар иккиси учун UFC промоушенидаги иккинчи жанг бўлади.