15 июн 10:56
Янгиликлар

Бокс/ММА

Lift. Пол Батлер ва Ян Маркоснинг рақиби аниқ бўлди

Эртага 18:00 да Тошкентдаги "Ҳумо Арена" мажмуасида профессионал бокс оқшоми бўлиб ўтади.

Аввал хабар берганимиздек, Ўзбекистоннинг Lift Promotions ҳамда Disrupt промоутерлик компаниялари ўртасида ташкил этилаётган мазкур оқшомда бир қанча хорижлик боксчилар ўртасидаги жанглар, шунингдек Гран-Придан ўрин олган беллашувлар ўтказилади.

Мусобақанинг асосий юлдузларидан бўлмиш британиялик собиқ икки карра жаҳон чемпиони Пол Батлер (34-3-0) никарагуалик Жоэл Санчес (5-36-1) билан жанг қиладиган бўлди. Куба вакили Ян Маркос (9-0-0) эса панамалик Омир Родригес (13-7-1) билан тўқнаш келади. Жо МакГрейлнинг жанги эса бекор қилинди.

Аввалроқ, эртанги бокс оқшомига америкалик собиқ мутлақ жаҳон чемпиони, таниқли Майк Тайсон ташриф буюриши ҳақида хабар берган эдик.