Ломаченко кейинги жангини тасдиқлади

Учта вазн тоифасида жаҳон чемпиони Василий Ломаченко (15-2, 11 КО) кейинги жангини Ричард Коммига (30-3-0, 27 КО) қарши ўтказишини тасдиқлади.

"11 декабрь куни Нью-Йоркдаги Madison Square Garden аренасида Ричард Коммига қарши жангим ўтказилади.

Мен Теофимо Лопесга қарши реванш ўтказмоқчи эдим, аммо у бугун рози бўлиб, эртага яна тўнини тескари кийиб олиши мумкин. 

Шу билан бирга, унда бошқа жанг ҳам бор. Лопес октябрь ойида Камбосос билан уришади. Ана шу жангдан кейин биз кўп нарсага ойдинлик киритсак керак", -дейди Василий Ломаченко. 

Эслатиб ўтамиз, Василий Ломаченко 2021 йилнинг июнь ойида Масаеши Накатанини нокаутга учратишга эришганди.