Ломаченко навбатдаги жанг олдидан қандай фикрлар билдирди?

Уч вазн тоифасида собиқ жаҳон чемпиони Василий Ломаченко (14-2, 10 КО) япониялик боксчи Масайоши Накатанига (19-1, 13 КО) қарши жанг олдидан журналистлар билан суҳбатлашди.

"Рингга қайтаётганимдан жуда ҳам хурсандман ва боксда ким эканлигимни кўрсатмоқчиман. Жангда томошабинларнинг иштироки жуда муҳим. Улар боксчиларни туртиб туришади ва бизга куч беради.

Накатани - чидамли ва бўйи баланд боксчи йигит. Шунинг учун мен уни рақиб сифатида танладим. Мен кимгадир ниманидир исботлашим кераклигини ҳис қиляпманми? Мен ўзимга, жамоамга, отамга, оиламга ва мени доимо қўллаб-қувватлаб келган дўстларимга исботлашим керак.

Мен ўзимнинг энг яхши маҳоратимни намойиш қилмоқчиман ва яна кимлигимни кўрсатмоқчиман ", - деди Ломаченко Top Rank расмий матбуот анжуманида.

Эслатиб ўтамиз, Ломаченко - Накатани жанги 26 июндан 27 июнга ўтар кечаси Лас-Вегасда (Невада, АҚШ) бўлиб ўтади.