Ломаченко ёки Хэйни? Камбосос Арум ва Хирнни орзуга берилмасликка чақирди

Енгил вазн тоифасида WBА Super, WBО, IBF ва WBC чемпиони австралиялик Жорж Камбосос (20-0, 10 КО) ҳозирча илк ҳимоя жангини кимга қарши ўтказишни ҳал қилмаган. Аммо, у бир нарсани аниқ билади - жанг Австралияда ўтказилади!

Боб Арум Камбососнинг Василий Ломаченко билан жанг қилиши, Эдди Хирн эса танлов Дэвин Хэйни фойдасига ҳал бўлишини таъкидлаётган бўлса-да, Жоржнинг ўзи промоутерларни орзу-ҳавас қилмасликка чақирди.

"Жаноб Арум, ҳурмат билан айтаман, мухлислар Хейни ёки Ломаченкони кўргани келишмайди. Улар ўз императорининг боксни ўз қўлига олганидан сўнг барча камарлари билан уйга қайтишини томоша қилиш учун келишади. Бу камарлар Австралия ва Грецияга тегишли бўлиб, камарларни биздан тортиб олиш учун уларга армия керак бўлади", — деб ёзди Камбосос Тwitter'да.