Лондонда UFC Fight Night турнири бошланди. Гурам Кутателадзедан яна омадсиз чиқиш

Мусобақанинг илк жанги енгил вазн тоифасида фаолият олиб борувчи грузиялик аралаш якка кураш устаси Гурам Кутателадзе ҳамда Бразилия вакили Кауе Фернардес ўртасида кечди.

Тўлиқ 3 раунд давом этган беллашувда Кауе рақибини ҳакамларнинг якдил қарори ила мағлуб этди.

Шундай қилиб, 33 ёшли Гурам фаолиятидаги 18-жангида 5-мағлубиятини қабул қилиб олди. 30 яшар Фернандес ҳисобида эса энди 10 та ғалаба ва 2 та мағлубият бор.

Лондондаги мусобақанинг марказий жанги ярим ўрта вазннинг собиқ чемпиони Леон Эдвардс ва Шон Брэди ўртасида бўлади.