Лопес: Мен Ломаченкодан ҳар томонлама кучлиман

IBF камари соҳиби Теофимо Лопес ўзининг бўлажак рақиби WBA, WBO ва WBC камарлари эгаси Василий Ломаченкодан кучлироқ, ақллироқ ва ғалабага чанқоқроқ эканини ҳақида гапирди. Лопес украиналик рақибидан кучлироқ эканига ва уни рингда жазолашига ишонмоқда. 

"Ломаченко енгил вазнда яхши боксчилар билан жанг қилган, лекин у менга ўхшаган рақибга ҳали дуч келмаган. Мен унга қараганда ақллироқ, каттароқ, кучлироқ, ёшроқ, тезроқ ва ғалабага ташнароқман. Ломаченконинг аввалги рақиблари унга ортиқча баҳо бериб юборишган. Мен эса уни ҳурмат қилмайман. 

Мени нотўғри тушунманглар. Бу йигит нимага эришган бўлса эришгандир, лекин мен ундан кучлироқ эканимга ишончим комил. Албатта, буни исботлашнинг ягона йўли 17 октябрь куни уни мағлуб этишдир", - деди Лопес.