27 ноя 08:37
Янгиликлар

Бокс/ММА

Лопес ва Камбосос тарозига чиқишди

Бизнинг вақт билан эртага тонгда АҚШнинг Нью-Йорк шаҳрида профессионал бокс кечаси ўтказилади.

Анъанага кўра, жангдан бир кун олдин иштирокчиларни расмий тарозидан ўтказиш маросими бўлиб ўтди. Оқшомнинг марказий жанги енгил вазн тоифасида WBA, IBF ва WBO йўналишлари чемпиони Теофимо Лопес ҳамда IBF камарига даъвогар Жорж Камбосос ўртасида кечади.

Тарозида Теофимо Лопес — 61,2 кг, Жорж Камбососа — 60,9 кг вазнга эга экани ойдинлашди.

Эслатиб ўтамиз, Лопес сўнгги жангида украиналик Василий Ломаченкони очколар ҳисобига кўра мағлуб этиб, рақибининг бир йўла учта чемпионлик камарини тортиб олганди. Камбосос эса охирги жангида Ли Селбидан устун келган эди.