19 авг 10:01
Янгиликлар

Футбол

Луи ван Гал яна Нидерландия терма жамоасини бошқариши мумкин

Нидерландия Қироллик футбол иттифоқи Роналд Куман "Барселона"га кетганидан кейин, терма жамоани бошқариши мумкин бўлган мутахассислар вариантларини кўриб чиқмоқда.

Ушбу лавозимга номзодлардан бири ўтмишда миллий жамоа билан бирга ишлаган Луи ван Галдир, дея хабар берди Voetbalprimeur. Мутахассис ҳозирда ишсиз, у жамоа бошқарувига қайтса, ўзини бахтиёр ҳис этган бўларди. Ван Галнинг сўнгги иш жойи "Манчестер Юнайтед" бўлганди. У Манчестерни 2016 йилда тарк этган.

Мутахассис фаолияти давомида "Аякс", "Барселона", "АЗ Алкмар" ва "Бавария"да мураббийлик қилган. 2000 йилдан 2002 йилгача ва 2012 йилдан 2014 йилга қадар Нидерландия терма жамоасини бошқарган.