19 окт 10:15
Янгиликлар

Теннис

Luxembourg Open. Елена Остапенко 1/2 финалда!

Люксембургда теннис бўйича BGL BNP Paribas Luxembourg Open турнири давом этмоқда.

Сайёрамизнинг 63-ракеткаси Елена Остапенко мусобақанинг ярим финалига йўл олди. Латвиялик теннис маликаси 1 соату 3 дақиқа давом этган чорак финал учрашувида рейтингнинг 210-поғонасидан жой олган германиялик Антония Лоттнерни ортиқча қийинчиликсиз мағлуб этди - 6/1, 6/1.

Елена баҳс давомида 4 та, Антония эса битта эйс зарбасини амалга оширди. Бу теннисчиларнинг ўзаро ўтказган илк учрашуви эди. Бугун Остапенко финал чиптаси учун россиялик Анна Блинковага қарши кортга чиқади.