22 апр 10:10
Янгиликлар

Теннис, Формула-1

Льюис Хэмилтон ва Серена Уильямс «Челси»ни сотиб олиш лойиҳасига 20 миллион фунт стерлинг сармоя киритди

«Челси» футбол клубини сотиб олишни режалаштираётган консорциум аъзолари орасида «Формула-1» бўйича етти карра чемпион Льюис Хэмилтон ва дунёнинг собиқ биринчи ракеткаси Серена Уильямс ҳам бор.

Роман Абрамовичга нисбатан қўлланилган санкциялар туфайли «Челси» яқин орада эгалик ҳуқуқини ўзгартиради. Клубни сотиб олиш учун давогарлардан бири Мартин Бротон бошчилигидаги консорциум ҳисобланади.

Хэмилтон ва Уильямс «Ливерпул»нинг собиқ президенти Мартин Бротоннинг таклифига биноан унинг бошчилигидаги компанияга 20 миллион фунт стерлинг (ҳар бири тахминан 10 миллион фунт стерлингдан) сармоя киритишди. Манбага кўра, консорциум таркибига Жаҳон енгил атлетика ассоциацияси раҳбари Себастян Коэ ҳам кирган.

Консорциум режаларига кўра, «Челси» нинг назорат пакети Harris Blitzer Sports & Entertainment инвестиция компаниясига тегишли бўлади.

Эслатиб ўтамиз, 2003 йилдан бери «Челси»нинг эгаси россиялик тадбиркор Роман Абрамович эди. 10 март куни Британия ҳукумати Абрамовичга қарши санкциялар киритди. Россиялик тадбиркорнинг активлари, жумладан, футбол клуби шу тариқа блокланди.

Ҳавола :

Манба : championat.com

Рейтинг: