Macedonian Open. Фомин 5/2 ҳисобида олдинда бора туриб якунда ютқазди

Мукофот жамғармаси 75 000 еврони ташкил этувчи мусобақада ҳамюртимиз Сергей Фомин ҳам ўз имкониятини синаб кўрди. Мамлакатимизнинг иккинчи ракеткаси турнирдаги иштирокини саралаш баҳсларидан бошлаган ва икки ғалаба эвазига асосий тўрга йўл олганди. 

Афсуски, ATP рейтингида 654-поғонада бораётган Фомин Macedonian Open турнирининг асосий тўр илк давра учрашувида ATP рейтингида 664-поғонада австриялик Жоэль Шверцлерга жуда аламли тарзда ютқазиб қўйди. 

Биринчи сет 7/5 ҳисобида теннисчимиз фойдасига ҳал бўлди. Иккинчи сетда 5/2 ҳисобида олдинда бораётган Фомин ғалабага жуда яқин эди. Матчболдан фойдалана олмади. Натижада Жоэль кетма-кет 5 та геймни ўз фойдасига ҳал қилиб, сетлар бўйича мувозанатни тиклади - 7/5. Ҳал қилувчи учинчи сетнинг учинчи геймидан кейин эса Сергей курашни давом эттира олмаслигини маълум қилди ва Шверцлер кейинги даврага, Фомин эса уйга йўл олди.