Маддалена Царукянни P4P UFC рейтингидан чиқариб юборди

Якшанба тонгида яримўрта вазн тоифасида янги UFC чемпионига айланган Жек Делла Маддаленна P4P UFC Топ-15 рейтингига кириб олди. У илк уринишдаёқ 9-ўринга кўтарилди. Айнан Маддаленнага чемпионлик камарини бой берган Белал Муҳаммад эса аксинча, 6 поғонага пастлаб, 13-ўринга жойлашди. 

Австралиялик янги чемпионнинг рейтингга кириши аксинча, келиб чиқиши арманистонлик бўлган Арман Царукяннинг рўйхатдан чиқиб кетишига сабаб бўлди. Арман шу кунгача 15-ўриндан жой олганди. Жекнинг ғалабаси унинг ҳамюрти, промоушеннинг собиқ чемпиони Александр Волкановскининг ҳам кўтарилиб олишига ёрдам берди. Алекс 9-поғонадан 7-ўринга юқорилади. 

Маддалена яримўрта вазн тоифаси рейтингидаги ўрнини ҳам яхшилаб олди. У чемпион сифатида Топ-5`дагиларнинг барини бир поғонадан пастлашига "хизмат" қилди.