29 апр 09:16
Янгиликлар

Теннис

Мадрид (WTA 1000). Мирра Андреева 1/4 финалда ўйнайди

Испаниянинг Мадрид шаҳрида теннис бўйича WTA 1000 тоифасига кирувчи турнир бўлиб ўтмоқда.

Дунёнинг еттинчи ракеткаси Мирра Андреева 1/8 финал учрашувида WTA рейтингининг 99-поғонасида бораётган украиналик Юлия Стародубцевани ортиқча қийинчиликсиз мағлубиятга учратди - 6/1, 6/4. Бу теннисчиларнинг ўзаро ўтказган илк учрашуви бўлди.

Тўқсон беш дақиқа давом этган баҳсда иккала теннис маликаси ҳам эйс зарбасини амалга ошира олмади. Қўшхатолар Андреевада "кўпроқ" бўлди - 4 га 2. Брейклар бўйича мутлақ устунлик ҳам Мирра томонида бўлди - 3 га 0! Энди россиялик теннисчи 1/4 финалда америкалик Коко Гоффга қарши кортга чиқади.