16 окт 17:23
Янгиликлар

Бокс/ММА

Мафтункор "Амазонка" фаолиятидаги 11-жангини ўтказди + ФОТО

Россиянинг Қозон шаҳрида профессионал бокс кечаси бўлиб ўтди.

Оқшом доирасида бесланлик мафтункор боксчи Фатима "Амазонка" Дудиева уругвайлик Соледад Македога қарши рингга кўтарилди. Саккиз раунд тўлиқ давом этган жангда Дудиева ҳакамларнинг бир овоздан чиқарган қарорига кўра ғалаба қозонди. Уччала ҳакам ҳам бир хил 80–72 ҳисобидаги ғалабани Фатимага тақдим этган.

Маълумот учун, Фатима Дудиеванинг мураббийларидан бири ҳамюртимиз Руслан Чагаев ҳисобланади. Бу "Амазонка"нинг фаолиятидаги 11-жанги бўлиб, осетиялик уларнинг барчасида ғалаба қозонган.