26 фев 08:44
Янгиликлар

Мага Исмаилов - Дуродола жанги тўлиқ давом этди

Москва шаҳрида профессионал бокс ҳамда қўлқопсиз жанглар шоуси бўлиб ўтди.

Бокс оқшомининг марказий жангида россиялик таниқли аралаш яккакураш устаси Магомед Исмаилов нигериялик боксчи, Пекин Олимпиадаси иштирокчиси, ҳозирда полиция маҳкамасида ишлаётган Оланреважу Дуродолага қарши рингга кўтарилди.

Тўрт раундга мўлжалланган жанг тўлиқ давом этди ва якунда ҳакамлар бир овоздан 40-36, 40-36, 40-36 ҳисобида ғалабани Исмаиловга тақдим этишди. Мага илк бор боксда жанг ўтказди. Исмаилов ММАда 18 ғалаба, 3 мағлубият ва 1 дуранг қайд этган. Дуродола эса боксда 37 ғалаба ва 10 мағлубиятга эга. Нигериялик сўнгги уч йилдаги иккинчи мағлубиятини қабул қилиб олди.