06 авг 08:27
Янгиликлар

Спорт курашлари, Токио-2020

Магомед Ибрагимовда кутилмаган ва аламли мағлубият

Рио-2016 Олимпиадасининг бронза медали совриндори Магомед Ибрагимов Токио-2020 Олимпия ўйинларининг илк беллашувидаёқ аламли тарзда мағлубиятга учради.

Ҳозиргина якунига етган 1/8 финал баҳсида 97 кг вазн тоифасидаги 36 ёшли курашчимиз Европа чемпиони, туркиялик 26 ёшли Сулейман Караденизга қарши гиламга чиқди. Сўнгги баллни қўлга киритган Карадениз 3-3 ҳисоби кўринишида чорак финалга йўл олди. Сулейманнинг финалга чиқиш имконияти паст эканини инобатга олсак, Магомед учун катта эҳтимол билан Олимпиада якунлангани деярли ойдинлашади.

Туркиялик курашчи чорак финалда қозоғистонлик Алишер Ергалига қарши баҳс олиб боради. Ергали нимчорак финалда жазоирлик Муҳаммад Фардждан устун келди.