Маҳмуд Мурадовнинг чемпионлик жанги учун расмий промо ролик намойиш этилди (ВИДЕО)

У ўша куни Прага (Чехия) шаҳрида ташкил этиладиган Oktagon 72 мусобақаси доирасида чехиялик Патрик Кинслл билан баҳс олиб боради.

Жанг ўрта вазн тоифасидаги вақтинчалик чемпионлик камари учун ташкил этилади. Ташкилотчилар мазкур қарама-қаршилик учун расмий промо роликни тақдим этишди.

Маълумот учун, 35 ёшли Маҳмуд Мурадов фаолияти давомида ҳозирга қадар 36 та жанг ўтказиб, 28 ғалаба ва 8 мағлубият қайд этган. Ҳамюртимиз билан тенгдош Патрик Кинслл ҳисобида эса 28 ғалаба ва 11 та мағлубият бор.