15 дек 15:51
Янгиликлар

Бокс/ММА

Маҳмуд Мурадовнинг жамоадоши Ислом Словакиядаги жангда ғалаба қозонди

Ўзбекистонлик ММА жангчиси Ислом Маҳамаджонов Чехиянинг XFN промоушенида дебют жангини ўтказди.

Братиславада ўтказиладиган жанг оқшомида аввалига ҳамюртимизга чехиялик Михал Янчушка рақиблик қилиши айтилганди. Бироқ, жангга бир неча кун қолганда Исломнинг рақиби ўзгарди. Шу сабабли, Маҳамаджонов австриялик Габриель Будзга қарши жанг қилди ва нокаут эвазига ғалаба қозонди.

Мазкур жангда Маҳмуд Мурадов Исломнинг бурчагида ҳамюртимизни қўллаб-қувватлаб турди.