Макгрегор қўлқопсиз жангларда рингга чиқади, рақиб ҳам маълум

Бу маълумотни BKFC промоушени раҳбари Девид Фелдман ҳам тасдиқлади. У ирландияликнинг ҳозирда ўзининг дебют жангини ўтказишга тайёргарлик кўраётганини маълум қилди. Конорнинг рақиби сифатида собиқ UFC жангчилари - Жереми Стивенс ва Майк Перри ўртасидаги жанг ғолиби бўлишини таъкидлади.

"Бугун менинг ёнимда дўстим Конор Макгрегор бўлиши керак эди. Лекин у кела олмади, чунки у машғулот жараёнига катта эътибор қаратган. Бу мен кўрган энг яхши Конор Макгрегор. У астойдил машқ қилмоқда ва диққатини жамлаган. Макгрегор менга Жереми Стивенсон ва Майк Перри ўртасидаги жанг ғолиби унинг навбатдаги рақиби бўлишини айтди", - деди Фелдман Нью-Жерсидаги матбуот анжуманида.