Макгрегор TUF 31 шоуси учун ўз жангчисини таркибга қўшиб олгани ҳақидаги миш-мишларга изоҳ берди

Икки вазн тоифасида собиқ UFC чемпиони Конор Макгрегор менежер Даниэл Рубинштейнга жавоб қайтарди. 

Рубинштейн аввалроқ Конорни TUF 31 шоуси учун таркибдаги уч нафар аралаш яккакураш устасини чиқариб юбориб, ўз жангчиларини олиб келганини ёзган эди: "Кен Кросс, Митч Рамирес ва Брендон Женкинслар Конорнинг уч йигити шоуда қатнашиши учун жой бўшатишди".

Конор эса бунинг ёлғон эканини маълум қилиб, жавоб қайтарди:

"Бу ёлғон. Мен бу кўрсатувда фақат бир йигитни биламан ва у ўзини кўрсатди. Мен ҳеч нарса сўрамадим. Ва мен одамларни чиқариб юборганим йўқ. Мен шунчаки ўзимни ўйинга қайтаришга ҳаракат қиляпман".