UZ

Сўнгги янгиликлар

20:04Дзюдо. Ўзбекистон жамоавий баҳсларда кумуш медалга эга чиқди 0 20:00АПЛ. "Манчестер Сити"да мағлубият, Абдуқодир Ҳусанов эса... 0 19:19"Аспиналл жангларда Мухаммад Алига ўхшайди" - UFC собиқ чемпиони 0 18:55АҚШ Президентининг махсус вакили Олимпия шаҳарчаси билан таништирилди 0 18:33"Царукян Топурия билан тик турган ҳолатда жанг қилишга мажбур бўлади" - Двалишвили 0 18:10Аканжи "Манчестер Сити"ни Лондон клубига алмаштириши мумкин 0 17:40"Бу битта халқ". Али Абдель-Азиз Кавказ жангчилари ўртасида адоват чиқараётганларни айблади 0 17:17Ўзбекистонда янги спорт федерацияси иш бошлади 0 16:39"Сабрсизлик билан кутяпман" - Дмитрий Бивол 0 16:29Бўлажак педагоглар футболда ҳам эътирофда 0 16:10Дзюдо. Ярим финалда Мўғулистон мағлуб этилди, финалдаги рақибимиз - жиддий! 0 16:02ЕЧЛ. "Қайрат" - "Реал" ўйини учун чипталар нархи қанча? 0 15:40Маҳмуд Мурадов ўзига янги қимматбахо автомобиль харид қилди (ФОТО) 0 15:15ITA кураш бўйича ўзбекистонлик Жаҳон чемпионини дисквалификация қилди 0 14:41Промоутер Жошуа қачон Фьюри билан жанг қилмоқчи эканлиги ҳақида гапирди 0

14 апр 16:56
Янгиликлар

Футбол

Максим Шацких Абдуқодир Ҳусанов ҳақида гапирди

​"Пахтакор" президентининг спорт масалалари бўйича маслаҳатчиси Максим Шацких sports24.kz сайтига берган интервьюсида Англиянинг "Манчестер Сити" жамоасида ўйнаётган Абдуқодир Ҳусанов ҳақида фикрларини билдирди.

- Максим Александрович, Хусанов ҳақида нима дейсиз? "Манчестер дербиси" ва "Кристал Пэлас"га қарши ўйинда Гвардиола ўзбекистонлик ҳимоячини майдонга туширмади. Сизнингча, Абдуқодир "шаҳарликлар" бошланғич таркибида ўйнай оладими?

- Унинг ўйнамагани ҳеч нарсани англатмайди. Абдуқодир бошланғич таркибда ўйнайди. Ҳусанов "Манчестер Сити"нинг келажаги эканлигини аввал ҳам айтганман, ҳозир ҳам айтяпман ва бундан кейин ҳам айтаман. У албатта ўйнайди! Кечирасиз-у, йигит ҳали 21 ёшда. У аллақачон "Манчестер Сити" сафида ишончли ўйинлар кўрсатиб улгурди. Ҳозир инглиз клубида қайта шакллантириш жараёни кетяпти ва бу, менимча, давом этади. Ҳеч кимга сир эмас, ҳамма кўриб турибдики, ҳозирги "Манчестер Сити" ўзининг олдинги даражасида эмас. Шунинг учун жамоада қайта шакллантириш бўлади. Ҳусановни ҳам айнан шу жараёнга таклиф қилишган. Абдуқодир жуда юқори маҳоратга эга футболчи. Шу билан бирга, яхши инсон. Унда футболчига керакли интеллект ва жисмоний куч бор. Европа майдонларида суперклубда ўйнаш учун барча сифатларга эга. Унинг аввал ўйнаб, кейин ўйинга қўйилмагани оддий ротация. Бу футболда нормал ҳолат.

- Нима бўлмасин, у АПЛ грандида тажриба орттирмоқда!

- Ҳусанов "Манчестер Сити"га киришиб кетди, энди у ердан чиқмайди. Унинг фаолияти энди яхши бўлади. Ҳаммаси ўзига боғлиқ. Абдуқодир руҳан жуда барқарор. Баъзи ҳимоячилар ёки дарвозабонлар хатолардан кейин ўзларини йўқотиб қўйишлари мумкин. Лекин бу Ҳусановга тегишли эмас! У бу жиҳатдан мутлақо хотиржам ва тушунарсиз ҳис-туйғуларга берилмайди. Бу борада Ҳусановнинг фазилатлари жуда яхши.

- Ҳусановни афсонавий ҳимоячилардан бирига ўхшатса бўладими? Масалан, Пуйоль ёки Пикега?

- Пуёлга ўхшамайди. У эмоциональ жиҳатдан бироз бошқача футболчи. Ҳусанов маданиятли, одобли ва кам гапиради. Эҳтимол, вақт ўтиши ва ёши улғайиши билан бу нарса унда пайдо бўлар. Абдуқодир деярли гапирмайди, жим туриб ўз ишини қилади. 

- Эҳтимол, Пепега ўхшар? Курашчи!

- Эҳтимол. Лекин Пепе улғайганида, тезлиги ва жисмоний ҳолати етарли бўлмай қолганда, шундай бўлди. Шунда у буни бироз бошқача усуллар билан қоплай бошлади. Келинг, Ҳусанов Ҳусановдек бўлсин!

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг