Максим Шин Тошкентдаги M15 турнирида 1/4 финалгача етиб келди

Мусобақанинг дастлабки икки босқичи доирасида Амир Милушев, Дамир Абдусамадов, Ботир Сапаев ҳамда Абдулазиз Усмонжонов каби теннисчиларимиз кортга чиқиб, имкониятни бой беришди.

Максим Шин эса дастлаб, нейтрал мақомдаги Алексей Алешчёвдан устун келди. Нимчорак финалда эса у бошқа бир рус теннисчиси, ATP рейтингида 640-ўринни эгаллаб турган Максим Жуковни мусобақадан чиқариб юборди. Жуков Tashkent M15 турнирида учинчи рақам остида сараланган эди. 

Кеча ўтказилган чорак финал беллашувида эса ёш спортчимиз ҳиндистонлик Криш Тиягига тайбрекларда имкониятни бой бериб қўйди. Бу билан ўзбекистонлик теннисчиларнинг Tashkent M15-2025'даги энг яхши натижаси 1/4 финал босқичи бўлди.