Манба: Шаҳрам Ғиёсовнинг Эймантас Станионисга қарши чемпионлик жангининг эҳтимолий санаси ва манзили маълум

Аввалроқ, боксчиларнинг жамоалари промоутерлик савдосидан олдин келишувга эришгани ҳақида хабар берилганди.

Хорижий нашрларнинг маълум қилишича, Ғиёсов — Станионис чемпионлик жанги 2025 йилнинг 1 март куни АҚШнинг Бруклин шаҳридаги "Barclays Arena"да ташкил этиладиган проф бокс оқшоми доирасида ўтказилади. Жанг асосий карддан (PPV) ўрин олган.

Мазкур оқшомнинг марказий жангида аслида, 14 декабрь куни ўтказилиши керак бўлган, бироқ кейинчалик 1 март санасига кўчирилган Жервонта Дэвис ва Ламонт Роач баҳси ташкил этилади.

Бундан ташқари, турнир доирасида Жермалл Чарло ҳам рингга қайтиши кутилмоқда.

Эслатиб ўтамиз, Станионис сўнгги жангини май ойи бошида Габриэль Маэстрега қарши ўтказиб, очколар ҳисобига кўра ғалаба қозонганди. Ғиёсов эса 31 июль куни Мигель Парра билан жангда зафар қучган.