"Манчестер Юнайтед" Моратани ижарага олмоқчи

Криштиану Роналду билан шартномани бекор қилган ва Коди Гакпо трансферини амалга ошира олмаган "Манчестер Юнайтед" ҳужумни кучайтириш имкониятларини излашда давом этмоқда. ESPN хабарига кўра, "қизил иблислар" Альваро Моратанинг ижараси бўйича Мадриднинг "Атлетико"сига мурожаат қилмоқчи.

Маълумки, "Манчестер Юнайтед" қишки трансфер ойнаси учун энг чекланган бюджетга эга, шунинг учун клуб Испания терма жамоаси ҳужумчисини тўлиқ сотиб олмайди. Бошқа томондан, "Атлетико" Чемпионлар Лигасидан муддатидан олдин чиқиб кетганидан кейин пулга муҳтож ва мадридликларни ижара варианти қониқтирмаслиги мумкин.