03 апр 16:45
Янгиликлар

Бокс/ММА

Манель Капенинг Матеус Николауга қарши жанги иккинчи марта бекор қилинди

Хабар берганимиздек, 27 апрель куни АҚШнинг Лас-Вегас шаҳрида жойлашган "UFC Apex" аренада UFC Vegas 91 турнири ташкил этилади.

Мусобақанинг марказий жанги ўта енгил вазн UFC рейтингида бешинчи ўринда бораётган бразилиялик аралаш яккакураш устаси Матеус Николау (19-3-1) ҳамда рейтингнинг олтинчи поғонасидаги португалиялик Манель Капе (19-6-1) ўртасида кечиши лозим эди.

Бироқ Капе номаълум сабабларга кўра, ушбу жангдан чиқди. Бу Николау ҳамда Капе ўртасида бекор қилинган иккинчи жанг бўлди.

UFC Vegas 91 турнирида Манелнинг ўрнига Алекс Перес жанг қиладиган бўлди.