Mangu 2: Рақибсиз қолган Акбаржон Исломбоев бразилиялик жангчи билан тўқнаш келади (ПОСТЕР)

"Ҳумо арена" иншоотида ўтказиладиган турнир учун навбатдаги жанг эълон қилинди.

Унга кўра, ўзбекистонлик таниқли аралаш якка кураш устаси Акбаржон Исломбоев Mangu 2 мусобақасида Бразилия вакили Ирмесон Оливейра билан баҳс олиб боради.

Жанг енгил вазн тоифасида ташкил этилади.

Маълумот учун, Исломбоев фаолияти давомида 12 та жанг ўтказиб, 10 та ғалаба ва 2 та мағлубият қайд этган. Оливейра ҳисобида эса 16 та ғалаба ва 7 та мағлубият бор.

Аслида Акбаржон Исломбоевга Mangu 2 турнирида Грузия вакили Турпал Гедиев рақиблик қилиши керак эди. Бироқ Гедиев жароҳат сабабли мусобақада иштирок эта олмаслиги маълум бўлди.