20 июн 19:41
Янгиликлар

Теннис

Марин Чилич Лондонни тарк этди

Сайёрамизнинг 15-ракеткаси Марин Чилич Fever-Tree Championships турниридаги иштирокини якунлади.

Хорватиялик теннисчи мусобақанинг иккинчи давра учрашувида рейтингнинг 23-поғонасидан жой олган аргентиналик Диего Шварцманга 4/6, 4/6 ҳисобида имкониятни бой бериб қўйди. Учрашув 1 соату 22 дақиқа давом этган.

Икки теннисчи ўртасидаги ўзаро учрашувлар ҳисоби тенглашди - 2:2. Энди Шварцман Лондон турнирининг чорак финалида франциялик Люка Пуйе ҳамда россиялик Даниил Медведев баҳси ғолибига қарши кортга чиқади.