22 фев 10:07
Янгиликлар

Теннис

Мария Тимофеева Merida WTA 500 турнирида муваффақиятли старт олди

Мексиканинг Юкатан штати Мерида шаҳри теннис бўйича WTA 500 тоифасига кирувчи турнирга мезбонлик қилмоқда.

Мамлакатимизнинг учинчи ракеткаси Мария Тимофеева мусобақанинг саралаш баҳсларида иштирок этяпти. У саралашнинг 1/2 финалида аргентиналик Мартина Таборда Капуррога қарши кортга чиқди. Икки соату олти дақиқа давом этган учрашувда Мария рақибасини ортиқча қийинчиликсиз мағлубиятга учратди - 6/4, 6/1.

Таққослаш учун, Тимофеева WTA рейтингида 154, Капурро 370-ўринни эгаллаб турибди. Ҳар икки теннисчи ҳам баҳс давомида биттадан эйс зарбасини амалга оширди. Бугун саралаш турнирида олтинчи рақам остида таснифланган Мария асосий тўрга йўлланма берувчи финал баҳсида яна бир аргентиналик теннисчи Мария Лурдес Карлга қарши кортга чиқади. Карл рейтингда Тимофеевадан бир поғона пастда жойлашган. Ушбу учрашув бизнинг вақт билан соат 22:00да бошланади.