09 мар 09:59
Янгиликлар

Теннис

Маркета Вондроушова ҳам бошлади

Индиан-Уэллс шаҳри мезбонлик қилаётган WTA 1000 тоифасига кирувчи турнирда иккинчи давра учрашувлари ўтказилди.

Ўз иштирокини тўғридан-тўғри иккинчи босқичдан бошлаган дунёнинг 8-ракеткаси Маркета Вондроушова енгил ғалабага эришди. Чехиялик теннисчи WTA рейтингида 78-ўриндан жой олган америкалик Бернарда Перага иккита геймни ютиб олиш имконини берди, холос - 6/0, 6/2.

Бу билан Маркета теннисчиларнинг ўзаро учрашувларидаги ҳисоб мувозанатини ҳам тиклади - 1:1. Олтмиш беш дақиқалик баҳсда Вондроушова 4 та эйс, 2 та қўшхато ва 5 та брейк қайд этди.