15 авг 09:46
Янгиликлар

Бокс/ММА

Махачев — Гэрри жангини суғурталаётган Майкл Моралес 24 килограмм вазн ташлади

Эквадорлик 27 ёшли ярим ўрта вазн тоифаси вакили Майкл Моралес эртага тонг саҳарда АҚШнинг Филадельфия шаҳрида ўтказиладиган UFC 330 турнирининг асосий воқеасига захира жангчиси сифатида тасдиқланган.

У ҳам Ислам Махачев ва Йен Мачадо Гэрри сингари расмий тарозидан ўтиш маросимида ҳозир бўлди. Моралес ҳам белгиланган вазнни бажарди. Майкл машғулотлар лагери бошланганидан буён ўз вазнини 101 килограммдан 77 килограммгача туширди. Расмий вазн ўлчашга беш кун қолганида эса у яна 10 кг ташлаши керак эди.

Маълумот учун, Моралес аралаш яккакурашлар (ММА) бўйича ўтказган барча 19 та жангида ғалаба қозонган. У дивизион етакчиларидан бири ҳисобланади. Ислам ёки Майкл жароҳат олса ёки бетоб бўлиб қолса, айнан Моралес захира жангчиси сифатида октагонга чиқади.