Махачев: "Оқ уйда жанг қилишни истардим, аммо..."

Лекин спортчи жамоаси бу ғояни маъқулламаётганини айтди.

"Оқ уйда катта турнир бўлади. Бу ташкилот тарихидаги энг катта ёки энг йирик турнирлардан бири. У ерда жанг қилишни истардим, лекин жамоа бу ғоямни унчалик маъқулламаяпти. Хабиб билан ўтириб, буни яна муҳокама қилишимиз керак. У бир интервьюда менинг у ерда жанг қилишимни истамаслигини айтганди.

Нима учун? Билмайман. Балки сана тўғри келмаётгандир. Биз ҳали буни муҳокама қилмадик. Менимча, тарих учун бу ерда жанг қилиш жуда зўр бўларди. Бу биринчи ва охирги марта бўлиши мумкин.

Албатта, UFC менинг иштирокимдан манфаатдор. Аммо у ерда яна етти ёки саккизта чемпионлик жанги бўлади. Мен учун бу сана жуда қулай — Рамазондан кейинги даврга тўғри келади", — деди Махачев "Матч ТВ" эфирида.