Махачев ва Маддалена ўртасидаги жангнинг тахминий санаси маълум бўлди

Турнирнинг марказий тўқнашуви ярим ўрта вазндаги жанг — Жек Делла Маддалена ва Ислам Махачев ўртасидаги чемпионлик тўқнашуви бўлиши мумкин.

Аввалроқ бундай эҳтимол ҳақида австралиялик жангчи — Жек Делла Маддаленанинг ўзи маълум қилган эди.

"Эҳтимол, жанг АҚШда бўлади. Улар Мексикадаги рақамли турнирни бекор қилишди ва уни октябр бошига кўчиришди. Эҳтимол, биз у ерда жанг қиламиз", — деган Маддалена ўз интервьюсида.

Октябрь охирида Абу-Дабида ўтказиладиган рақамли турнирда Магомед Анкалаев ва Алекс Перейра жанг қилиши ҳақида гап-сўзлар борлигини инобатга олсак, Махачевнинг Лас-Вегасда жанг қилиши эҳтимоли катта эканлигини айтиш мумкин.