Махачевнинг фикрича, Чендлер ва Порье чемпионлик жангига лойиқ эмас

Енгил вазнда UFC'нинг янги чемпиони, россиялик Ислам Махачев Дастин Порье ва Майкл Чендлер ўртасидаги жанг ғолиби чемпионликка даъвогарлик қилмаслиги керак, деб ҳисоблайди.

"Менимча, уларнинг ҳеч бири чемпионлик учун имкониятга эга эмас. Порье камар учун неча марта жанг қилган? Чендлер UFC'даги тўртта жангидан иккитасида мағлуб бўлди. Менимча, у Дастинни мағлуб этган тақдирда ҳам унвонга лойиқ эмас. Шахсан мен учун ҳам, ММА ишқибозлари учун ҳам Алекс Волкановски қизиқарлироқ чақирувдек кўринади", - деди Махачев.