10 ноя 08:49
Янгиликлар

Бокс/ММА

Майк Тайсон ҳеч ким мағлуб эта олмайдиган боксчини айтди

Бокс афсонаси Майк Тайсон қайси боксчига мухлислик қилиши, ўз вазнининг энг кучли чарм қўлқоп устаси ҳақида берилган саволга жавоб берди.

Темир Майкнинг айтишича, ярим оғир вазн тоифасида WBC чемпиони Девид Бенавидес ўз дивизионидаги исталган боксчини мағлуб этишга қодир экан.

"Мен унинг ҳар бир жангидаги ғалабаси учун пул тикаман. Унга паст баҳо беришади, у ҳақидаги фикрлар қутбланган. Менга қаранг, мен ҳам унинг вазнида бўлсам, унга қарши чиқишга қўрққан бўлардим. Унга қарши жангда ҳеч кимнинг имконияти йўқ. Бу факт!", - деди Тайсон ESNews’га берган интервьюсида.

Америкалик 28 ёшли Бенавидес 22 ноябрь куни Энтони Ярдга қарши жангда чемпионлик камарини илк бор ҳимоя қилади. Ярим оғир вазн тоифасининг икки етакчиси Дмитрий Бивол ёки Артур Бетербиевга қарши жанги томошабинлар ва промоутерлар учун қанчалик жозибали бўлиши унинг ушбу жангдаги иштирокига боғлиқ бўлади.