Майкл Моралес Маддалена ёки Махачевга қарши жангларга тайёр

Моралес баҳор ойларида ушбу вазн тоифасида собиқ UFC чемпиони, ноябрь ойида Ислам Махачевга камарини бой берган Жек Делла Маддаленага қарши жанг ўтказиши мумкинлигини айтди.

Аввалроқ UFC Махачевга январь ойида чемпионлик камарининг биринчи ҳимоясини ўтказишни таклиф қилганди. Аммо россиялик бундан бош тортди ва афтидан, унинг бу жангдаги рақиби ҳозирча мағлубиятсиз ҳаракат қилаётган Моралес бўлиши керак эди.

"UFC менга март ёки апрель ойларида Жек Делла Маддаленага қарши эҳтимолий жанг ҳақида хабар берди, - деди Моралес ESPN Deportes нашрига берган интервьюсида. - Ўйлашимча, улар ҳам Махачевга январда мен билан жанг қилишни таклиф этишган, бироқ у рад этган".

Ислам Махачевнинг ўзи Рамазон ойидан кейин UFC октагонига қайтишни режалаштирмоқда, ҳозирча UFC навбатдаги чемпионликка даъвогар борасида сукут сақлаяпти.

"Агар мен Жек билан жанг қила олсам - бу тажриба орттириш учун яна бир муҳим қадам бўларди. Агар улар Махачев билан жанг қилишни таклиф этишса, табиийки, мен бунга бажонидил рози бўламан", - дея қўшимча қилди Моралес.