21 апр 09:44
Янгиликлар

Теннис

Медведев 5:1 ҳисобидаги ғалабасини мағлубиятга айлантирди

Монте-Карло шаҳри мезбонлик қилаётган “Мастерс” сериясига кирувчи нуфузли теннис турнирида финалчилар аниқланди.

Сайёрамизнинг 14-ракеткаси Даниил Медведев ғайритабиий ҳолатда сербиялик Душан Лайовичга имкониятни бой бериб қўйди. Россиялик теннисчи 5:1 ҳисобида олдинда бораётган сетини ютқазди - 5:7. Рейтингнинг 48-поғонасидан жой олган Душан иккинси сетда рақибига имконият қолдирмади - 6:1.

Кетма-кет 10та геймни ютиб олган Лайович Rolex Monte-Carlo Masters турнирининг финалига йўл олди. Бугун у бош соврин учун учрашувда грунт қироли Рафаэль Надални мағлуб этган италиялик Фабио Фоньинига қарши кортга чиқади.