31 окт 08:01
Янгиликлар

Теннис

Медведев - Erste Bank Open чемпиони!

Австриянинг Вена шаҳрида ўтказилган теннис бўйича нуфузли ATP турнири россиялик Даниил Медведевнинг ғалабаси билан якунланди.

Дунёнинг тўртинчи ракеткаси бош соврин учун кечган баҳсда рейтингнинг 19-поғонасидан жой олган канадалик Денис Шаповаловни 4/6, 6/3, 6/2 ҳисобида мағлубиятга учратди. Теннисчиларнинг ўзаро учрашувларида Даниил 4:2 ҳисобида олдинда бормоқда.

Икки соату 19 дақиқа давом этган баҳсда Медведев ҳам, Шаповалов ҳам 6 тадан эйс зарбасини амалга оширишган. Erste Bank Open турниридаги муваффақиятли иштирок Медведевга 500 рейтинг очкоси ҳамда 439,305 евро мукофот пули тақдим этди.