09 ноя 08:06
Янгиликлар

Теннис

Медведев - Париж "Мастерс" чемпиони!

Франция пойтахти Париж шаҳрида теннис бўйича "Мастерс" сериясига кирувчи нуфузли турнир якунланди.

Бош соврин россиялик Даниил Медведевга насиб этди. Дунёнинг бешинчи ракеткаси бўлиб турган Даниил ҳал қилувчи финал учрашувида рейтингда ўзидан икки поғона пастда бораётган германиялик Александр Зверевни мағлубиятга учратди - 5/7, 6/4, 6/1.

Икки соату 7 дақиқа давом этган баҳсда 24 ёшли Медведев 14 та, 23 яшар Александр эса 11 та эйс зарбани амалга оширди. Ўзаро учрашувларда эса ҳамон германиялик теннисчи олдинда бормоқда - 5:2.

Маълумот учун, Rolex Paris Masters турниридаги муваффақиятли иштирок Медведевга 225,210 евро мукофот пули ҳамда 1000 рейтинг очкосини тақдим этди. Парижда у фаолиятидаги саккизинчи совринини қўлга киритди.