22 май 18:56
Янгиликлар
Теннис
Медведев шу йил қўлга киритилган мукофот пуллари бўйича Тур етакчисига айланди
US Open-2021 чемпиони, жаҳоннинг иккинчи ракеткаси россиялик Даниил Медведев жорий мавсумда қўлга киритган мукофот пуллари миқдори бўйича мавсум етакчисига айланиб олди.
Ярмига яқинлашиб қолган 2023 йилда Даниил аллақачон 4,6 миллион доллар ишлаб топиб улгурган.
Медведевга мукофот пулининг салмоқли қисми Римдаги (Италия) "Мастерс" туркумидаги грунт турнирдаги ғалабадан тушган. Римда ўтган ҳал қилувчи баҳсда Даниил дунёнинг еттинчи ракеткаси, 20 ёшли даниялик Хольгер Рунени 7:5, 7:5 ҳисобида мағлуб этди. Ушбу ғалаба учун россиялик теннисчи қарийб 1,2 миллион доллар ишлаб олди. Руне эса финалга чиққани учун 630 минг доллар олди.
Эслатиб ўтамиз, 27 ёшли Медведев фаолияти давомида 31,3 миллион доллар даромадга эга бўлган.
Ҳавола :
Манба : championat.com
Фикрлар