12 сен 07:26
Янгиликлар

Теннис

Медведев US Open финали остонасида тўхтатилди

АҚШнинг Нью-Йорк шаҳрида ўтказилаётган теннис бўйича "Катта Дубулға" туркумига кирувчи US Open турнири ўз якуни сари яқинлашмоқда.

"Билли Жин Кинг Нэшионал Теннис Сентер" кортида мусобақанинг эркаклар ўртасидаги ярим финал учрашувлари бўлиб ўтди. Россиялик Даниил Медведев дунёнинг учинчи ракеткаси, австриялик Доминик Тимга қарши кортга чиқди.

Икки соату 56 дақиқа давом этган баҳс якунида Доминик 6/2, 7/6(7), 7/6(5) ҳисобларида ғалаба қозониб, финалга йўл олди. Медведев учрашув давомида 12, Тим эса 2 та эйс зарбани амалга оширди. Тим ўз фаолиятида илк бор US Open финалида ўйнайди. Шу йил у Australian Open финалида Новак Жоковичга ютқазиб қўйганди.