07 июл 08:09
Янгиликлар

Теннис

Медведев US Open ва Цинциннатигача Вашингтонда ўйнайди

Россиялик теннисчи Даниил Медведев режалари билан ўртоқлашди.

Медведевнинг илк расмий мусобақаси АҚШ пойтахти Вашингтонда ўтказиладиган ATP турнири бўлади. Ушбу мусобақа 14-21 август кунлари оралиғида ўтказилади.

"Бу турнирда уч йилдан бери иштирок этиб келаман. Бу йил эса ўтган йилги финал очколарини ҳимоя қилишим керак. Агар Вашингтонга бормасам, у ҳолда Цинциннати турнирини эрта тарк этишим мумкин. Мабодо шундай бўлиб чиқса, унда US Open турнири олдидан ўйин амалиётисиз қолиб кетаман", - дея Медведевнинг сўзларини келтирмоқда l'Equipe нашри.

Эслатиб ўтамиз, Цинциннати турнири 22-29 август, "Катта Дубулға" туркумига кирувчи US Open мусобақаси 31 август-13 сентябрь кунлари оралиғида бўлиб ўтади.