18 авг 13:18
Янгиликлар

Бокс/ММА

"Мен айнан у туфайли спортга қайтдим" — Хамзат Чимаев

Бирлашган Араб Амириклари шарафини ҳимоя қилувчи аралаш яккакураш устаси, ўрта вазн тоифасида UFC чемпиони Хамзат Чимаев спортга қайтишига сабабчи бўлган инсон ҳақида гапирди.

У Чеченистон раҳбари Рамзан Қодировдан миннатдор эканини айтмоқда.

"Мен Рамзан Қодиров туфайли бу спортга қайтдим. Фаолиятимни якунлаганимда айнан у мени яна шу спортга қайтарди. Унга Чеченистонга UFC камарини олиб бораман, деб ваъда бергандим. Ваъдамнинг устидан чиқдим, чемпион бўлдим. Энди камарни туғилиб ўсган ватанимга олиб бориш қолди!", деди Чимаев.

Хамзат кеча UFC 319 турнирининг марказий жанги доирасида жанубий африкалик Дрикюс Дю Плессини мағлуб этиб, чемпионга айланганди. Айнан Рамзан Қодиров тушкун ҳолатга тушиб қолган пайтда Хамзат Чимаевнинг даъволанишига ёрдам берган эди.