"Мен уни янчиб ташлашни хоҳлайман". Чимаев Бёрнс билан жанг ҳақида гапирди

"Ҳамма мен ҳақимда гапиради, лекин ҳеч ким мен билан жанг қилишни хоҳламайди, чунки биз ҳаммани ўлдирамиз. Гилберт Бёрнс Бразилия ҳақида гапирган эди, лекин мен ундан кўра кўпроқ бразилияликман. Менинг мураббийим бразилиялик ва мен уни гиламчага қандай йиқитганини биламан. Биз уни бўғиб ўлдирамиз. 

Умуман олганда, менга Бёрнс ёқади. У қувноқ ва яхши йигит. Лекин мен у билан жанг қилишни, уни янчиб ташлашни ва камарини ютиб олишни хоҳлайман. Урушда хушмуомалаликка ўрин йўқ", — Чимаевнинг сўзларини келтиради ММА Junkie.

Хамзат сўнгги жангини UFC 267 турнири доирасида, хитойлик Ли Жианлинга қарши ўтказди ва рақибини биринчи раунднинг тўртинчи дақиқасида бўғиш усули орқали мағлуб этди. UFCдаги тўртта жангида Чимаев бор йўғи икки маротаба зарба ўтказиб юборган.