"Менга UFC тизими ёқади". Хабиб Дана Уайт билан алоқалари ҳақида гапирди

"Мен Дана билан мулоқот қиламан. Менда у билан яхши муносабатлар сақланиб қолган. ММА дунёсидаги баъзи одамлар уни ёқтирмайдилар. Лекин мен уни жуда ҳурмат қиламан. Шунчаки эслаб кўринг, охирги 25 йилда у қанча жангларни ташкил қилди, қанча буюк жанглар бўлди. Агар боксга қарайдиган бўлсак, у ерда икки йирик бокчи ўртасида жанг ташкил қилиш учун йиллар керак бўлади, худди Пакьяо ва Мейвезер билан бўлгани сингари. Улар 10 йил олдин жанг қилишлари керак эди, аммо 2015 ёки 2016 йилда жанг қилишди. Ўша пайтда, улар фаолиятининг "чўққи"сида эмас эди.

Бундай мисоллар боксда талайгина, шунчаки, икки боксчини тўғри вақтда учраштириш керак. Бундан ташқари, боксда ташкилотлар ҳам талайгина: WBC, WBO, WBA. Яна, кичик бир қадам билан миллион дивизион бор. Менга Дана Уайтнинг UFCдаги тизими ёқади. Агар сен энг зўри бўлсанг, энг зўри билан жанг қилишинг керак. Бундан мухлислар ютади", — деб айтиб ўтган Хабиб ўз интервьюсида.