02 июн 07:27
Янгиликлар
Мэнни Пакьяо "WBА Super" чемпиони сифатида тикланиши мумкин
Шу йилнинг январь ойида узоқ танаффус туфайли WBА Пакьяога "таътилдаги чемпион" мақомини берганди. Шундан сўнг Йорденис Угас WBА Super чемпионига айланган ва вақтинчалик чемпион Жеймел Жеймс ярим ўрта вазн тоифасида WBА'нинг доимий чемпиони бўлган эди.
"Пакьяонинг вакили Шон Гиббонс уни Суперчемпион мақомига қайтаришни сўраб расмий мактуб ёзганини биламан. Биз шу иш устида ишлаяпмиз. Ва катта эҳтимол билан Мэннига чемпионлик мақомини қайтариб берилади. Аммо, мен ҳозир буни аниқ айта олмайман, чунки биз жамоавий ташкилотмиз. Масала Қўмита томонидан кўриб чиқилади. Буни президентга тақдим этишдан олдин овоз бериш лозим", - дея Essentially Sport Мендозанинг сўзларини ТheBoxingVoice ҳавола қилди.
Маълумот учун, Мэнни Пакьяо август ойида ярим ўрта вазн тоифасида WBC ва IBF чемпионлик камарлари соҳиби Эррол Спенсга қарши рингга кўтарилади.
Фикрлар