14 июн 17:29
Янгиликлар

Теннис

Mercedes Cup. Берреттини 1/2 финалга чиқди

Германиянинг Штутгарт шаҳрида теннис бўйича нуфузли ATP турнири давом этмоқда.

Сайёрамизнинг 30-ракеткаси Маттео Берреттини муваффақиятли юришини давом эттириб, ярим финал йўлланмасини қўлга киритди. Италиялик теннисчи 1/4 финалда америкалик Денис Кудлага қарши кортга чиқди ва рейтингнинг 84-поғонасидан жой олган рақибини мағлуб этди - 6/4, 6/3.

Маттео 1 соату 12 дақиқа давом этган учрашувда 10 та эйс зарбасини амалга оширди. Теннисчиларнинг ўзаро учрашувлардаги ҳисоби тенглашди - 2:2. Энди Берреттини Mercedes Cup ярим финалида германиялик Ян-Леннард Штруффга қарши кортга чиқади.