15 июн 07:27
Янгиликлар

Теннис

Mercedes Cup. Раоничнинг юриши давом этмоқда

Германиянинг Штутгарт шаҳрида ўтказилаётган теннис бўйича нуфузли ATP турнири ўзининг ҳал қилувчи палласига кирди.

Сайёрамизнинг 18-ракеткаси Милош Раонич чорак финал учрашувида венгриялик Мартон Фучович билан тўқнаш келди. Бир соату 13 дақиқа давом этган баҳсда канадалик теннисчи ATP рейтингида 52-поғонадан жой олган рақибини 6/4, 6/4 ҳисобида мағлуб этди.

Бу вақт оралиғида 28 ёшли Раонич 12, 27 ёшли Фучович эса 7 та эйс зарбасини бажарди. Милош ўзаро учрашувларда иккинчи ғалабасига эришди. Энди Раонич Mercedes Cup турнири ярим финалида ватандоши Феликс Ожега қарши кортга чиқади.